വാ​ഷിം​ഗ്ട​ൺ ഡി​സി: ഇ​റാ​നെ​തി​രാ​യ ഇ​സ്രേ​ലി ആ​ക്ര​മ​ണ​ത്തി​ൽ അ​മേ​രി​ക്ക​ൻ സേ​ന പ​ങ്കു​ചേ​രു​ന്ന​തി​ൽ പ്ര​സി​ഡ​ന്‍റ് ട്രം​പി​നു വ​ലി​യ ആ​ശ​ങ്ക​യു​ള്ള​താ​യി ന്യൂ​യോ​ർ​ക്ക് ടൈം​സ് പ​ത്രം റി​പ്പോ​ർ​ട്ട് ചെ​യ്തു. അ​മേ​രി​ക്ക​ൻ ഇ​ട​പെ​ട​ൽ നി​ക​ത്താ​നാ​വാ​ത്ത പ്ര​ത്യാ​ഘാ​ത​ങ്ങ​ളി​ലേ​ക്കു ന​യി​ക്കാം എ​ന്നാ​ണ് അ​ദ്ദേ​ഹ​ത്തി​ന്‍റെ അ​നു​മാ​നം. അ​മേ​രി​ക്ക​ൻ ഇ​ട​പെ​ട​ൽ സം​ബ​ന്ധി​ച്ച തീ​രു​മാ​നം ര​ണ്ടാ​ഴ്ച​ത്തേ​ക്കു ട്രം​പ് വൈ​കി​ക്കാ​നു​ള്ള കാ​ര​ണം ഇ​താ​ണ്.
2011ൽ ​അ​മേ​രി​ക്ക​ൻ സേ​ന ലി​ബി​യ​യി​ൽ ഇ​ട​പെ​ട്ട​പ്പോ​ൾ ഉ​ണ്ടാ​യ​തി​നു സ​മാ​ന സാ​ഹ​ച​ര്യം ഇ​റാ​നും നേ​രി​ടേ​ണ്ടി​വ​രു​മെ​ന്നാ​ണു ട്രം​പി​ന്‍റെ ആ​ശ​ങ്ക. ലി​ബി​യ​ൻ ഭ​ര​ണാ​ധി​കാ​രി​യാ​യി​രു​ന്ന കേ​ണ​ൽ ഗ​ദ്ദാ​ഫി പു​റ​ത്താ​ക്ക​പ്പെ​ടു​ക​യും പി​ന്നീ​ട് വ​ധി​ക്ക​പ്പെ​ടു​ക​യു​മു​ണ്ടാ​യി. ലി​ബി​യ വ​ർ​ഷ​ങ്ങ​ൾ നീ​ണ്ട ആ​ഭ്യ​ന്ത​ര​യു​ദ്ധ​ത്തി​ന്‍റെ പി​ടി​യി​ലു​മാ​യി.
അ​മേ​രി​ക്ക സൈ​നി​ക​ന​ട​പ​ടി​ക്കു മു​തി​ർ​ന്നാ​ൽ ഇ​റാ​നി​ലെ പ​ര​മോ​ന്ന​ത നേ​താ​വ് ആ​യ​ത്തൊ​ള്ള അ​ലി ഖ​മ​ന​യ്‌​യു​ടെ ഭ​ര​ണം അ​വ​സാ​നി​ക്കാം. ലി​ബി​യ​യി​ലേ​തു​പോ​ലെ ദീ​ർ​ഘ​കാ​ല അ​രാ​ജ​ക​ത്വ​ത്തി​ലേ​ക്ക് ഇ​റാ​ൻ വീ​ഴു​ക​യും ചെ​യ്യാം. ഇ​റാ​ക്കി​ലെ​യും അ​ഫ്ഗാ​നി​സ്ഥാ​നി​ലെ​യും അ​മേ​രി​ക്ക​ൻ സൈ​നി​ക​ന​ട​പ​ടി​യു​ടെ ഫ​ലം ദീ​ർ​ഘ​കാ​ല അ​സ്ഥി​ര​ത ആ​യി​രു​ന്നു​വെ​ന്നും ട്രം​പി​നു ബോ​ധ്യ​മു​ണ്ടെ​ന്ന് അ​ദ്ദേ​ഹ​ത്തോ​ട് അ​ടു​ത്ത വൃ​ത്ത​ങ്ങ​ൾ വെ​ളി​പ്പെ​ടു​ത്തി​യ​താ​യി റി​പ്പോ​ർ​ട്ടി​ൽ പ​റ​യു​ന്നു.
ട്രം​പ് അ​നു​മ​തി ന​ല്കി​യാ​ൽ​ത്ത​ന്നെ അ​ത്, ഇ​റാ​നി​ലെ ആ​ണ​വ​കേ​ന്ദ്ര​ങ്ങ​ളി​ൽ പ​രി​മി​ത​മാ​യ ആ​ക്ര​മ​ണ​ത്തി​നാ​യി​രി​ക്കു​മെ​ന്നും സൂ​ച​ന​യു​ണ്ട്. ന​താ​ൻ​സ്, ഫോ​ർ​ഡോ എ​ന്നീ യു​റേ​നി​യം സ​ന്പു​ഷ്ടീ​ക​ര​ണ കേ​ന്ദ്ര​ങ്ങ​ളി​ൽ ആ​ക്ര​മ​ണം ന​ട​ത്തി അ​മേ​രി​ക്ക​ൻ സൈ​നി​ക ന​ട​പ​ടി അ​വ​സാ​നി​ച്ചേ​ക്കും. മ​ല​നി​ര​ക​ൾ​ക്കു​ള്ളി​ൽ സ്ഥി​തി ചെ​യ്യു​ന്ന ഫോ​ർ​ഡോ നി​ല​യം ന​ശി​പ്പി​ക്കാ​നു​ള്ള ബോം​ബു​ക​ൾ ഇ​സ്ര​യേ​ലി​ന്‍റെ കൈ​വ​ശ​മി​ല്ല. ഇ​തി​നു കെ​ൽ​പു​ള്ള ബോം​ബു​ക​ൾ അ​മേ​രി​ക്ക​യ്ക്കു മാ​ത്ര​മേ​യു​ള്ളൂ.

Tags :