മും​ബൈ: സ്വ​ർ​ണ​വി​ല വ​ള​രെ​യേ​റെ ഉ​യ​ർ​ന്നു​വെ​ന്ന വി​വ​ര​മ​റി​യാ​തെ 1120 രൂ​പ​യു​മാ​യി മാ​ല വാ​ങ്ങാ​നെ​ത്തി​യ വൃ​ദ്ധ​ദ​ന്പ​തി​ക​ൾ​ക്കു സൗ​ജ​ന്യ​മാ​യി സ്വ​ർ​ണ നെ​ക്ലേ​സ് ന​ൽ​കി ജ്വ​ല്ല​റി​യു​ട​മ​യു​ടെ ക​രു​ത​ൽ. മ​ഹാ​രാ​ഷ്‌​ട്ര​യി​ലെ ജ​ൽ​ന ജി​ല്ല​യി​ലെ വി​ദൂ​ര ഗ്രാ​മ​ത്തി​ൽ​നി​ന്നു​ള്ള 93കാ​ര​നാ​ണ് ര​ണ്ടു ദി​വ​സം മു​ന്പ് ഭാ​ര്യ​യ്ക്കൊ​പ്പം ഛത്ര​പ​തി സം​ഭാ​ജി​ന​ഗ​ർ (ഔ​റം​ഗാ​ബാ​ദ്) ന​ഗ​ര​ത്തി​ലെ ഗോ​പി​ക ജ്വ​ല്ല​റി​യി​ൽ സ്വ​ർ​ണ​മാ​ല വാ​ങ്ങാ​നെ​ത്തി​യ​ത്. ഭാ​ര്യ​യു​ടെ കൈ​പി​ടി​ച്ചാ​ണു വൃ​ദ്ധ​ൻ ജ്വ​ല്ല​റി​യി​ലേ​ക്ക് എ​ത്തി​യ​ത്.
ഇ​രു​വ​രു​ടെ​യും ആ​വ​ശ്യം ചോ​ദി​ച്ച​റി​ഞ്ഞ സെ​യി​ൽ​സ് മാ​ൻ നെ​ക്ലേ​സി​ന്‍റെ ശേ​ഖ​രം കാ​ണി​ക്കു​ക​യും അ​തി​ലൊ​ന്ന് ദ​ന്പ​തി​ക​ൾ തെ​ര​ഞ്ഞെ​ടു​ക്കു​ക​യും ചെ​യ്തു. എ​ത്ര രൂ​പ കൈ​വ​ശ​മു​ണ്ടെ​ന്നു സെ​യി​ൽ​സ് മാ​ൻ ചോ​ദി​ച്ച​പ്പോ​ൾ കൈ​വ​ശ​മു​ണ്ടാ​യി​രു​ന്ന 1120 രൂ​പ വൃ​ദ്ധ​ൻ എ​ടു​ത്തു​കാ​ട്ടി. ഇ​തേ​യു​ള്ളോ​യെ​ന്നു ചി​രി​ച്ചു​കൊ​ണ്ടു ചോ​ദി​ച്ച​പ്പോ​ൾ വൃ​ദ്ധ​ൻ പോ​യി ത​ന്‍റെ ബാ​ഗി​ൽ​നി​ന്ന് കു​റേ നാ​ണ​യ​ങ്ങ​ൾ കൊ​ണ്ടു​വ​ന്നു. ഇ​തെ​ല്ലാം സി​സി​ടി​വി​യി​ലൂ​ടെ ജ്വ​ല്ല​റി ഉ​ട​മ വീ​ക്ഷി​ക്കു​ന്നു​ണ്ടാ​യി​രു​ന്നു.
വൃ​ദ്ധ​ദ​ന്പ​തി​ക​ളു​ടെ ക​രു​ത​ലി​ലും ഊ​ഷ്മ​ള ബ​ന്ധ​ത്തി​ലും ആ​കൃ​ഷ്‌​ട​നാ​യ അ​ദ്ദേ​ഹം ഇ​വ​ർ​ക്ക​രി​കി​ൽ എ​ത്തു​ക​യും പ്ര​തീ​കാ​ത്മ​ക​മാ​യി കേ​വ​ലം 20 രൂ​പ മാ​ത്രം വാ​ങ്ങി സ്വ​ർ​ണം ന​ൽ​കി വൃ​ദ്ധ​ദ​ന്പ​തി​ക​ളെ പ​റ​ഞ്ഞ​യ​യ്ക്കു​ക​യു​മാ​യി​രു​ന്നു. ആ​ദ്യ​മൊ​ന്ന് അ​ന്പ​ര​ന്ന ദ​ന്പ​തി​ക​ൾ ജ്വ​ല്ല​റി​യു​ട​മ​യു​ടെ ക​രു​ണ​യി​ൽ ഒ​രു​വേ​ള ക​ണ്ണീ​ർ വാ​ർ​ക്കു​ക​യും ചെ​യ്തു. വൃ​ദ്ധ​ദ​ന്പ​തി​ക​ളു​ടെ പ​ര​സ്പ​ര​മു​ള്ള ക​രു​ത​ലും സ്നേ​ഹ​വും ത​ന്നെ ആ​ക​ർ​ഷി​ച്ചെ​ന്നും ജീ​വി​ത​സാ​യ​ന്ത​ന​ത്തി​ലും നി​ര​വ​ധി പ്ര​തി​സ​ന്ധി​ക​ൾ ത​ര​ണം ചെ​യ്താ​ണു അ​വ​ർ മു​ന്നോ​ട്ടു​പോ​കു​ന്ന​തെ​ന്നും ജ്വ​ല്ല​റി​യു​ട​മ പി​ന്നീ​ട് സ​മൂ​ഹ​മാ​ധ്യ​മ​ത്തി​ൽ കു​റി​ച്ചു. മൂ​ത്ത മ​ക​ൻ നേ​ര​ത്തേ മ​രി​ച്ചു. ഇ​ള​യ​മ​ക​ൻ മ​ദ്യ​പാ​നി​യാ​ണ്. ദ​ന്പ​തി​ക​ൾ ത​നി​ച്ചാ​ണു താ​മ​സം. എ​ങ്കി​ലും ഉ​ള്ള​തു​കൊ​ണ്ട് സം​തൃ​പ്ത​രാ​യി സ​ന്തോ​ഷ​ക​ര​മാ​യ ദാ​ന്പ​ത്യ​ജീ​വി​ത​മാ​ണ് ഇ​രു​വ​രും ന​യി​ക്കു​ന്ന​തെ​ന്നും ജ്വ​ല്ല​റി​യു​ട​മ പ​റ​ഞ്ഞു. വൃ​ദ്ധ​ദ​ന്പ​തി​ക​ൾ ജ്വ​ല്ല​റി​യി​ലേ​ക്ക് എ​ത്തു​ന്ന​തും സ്വ​ർ​ണ​മാ​ല തെ​ര​ഞ്ഞെ​ടു​ക്കു​ന്ന​തും കൈ​വ​ശ​മു​ണ്ടാ​യി​രു​ന്ന പ​ണം ന​ൽ​കു​ന്ന​തു​മെ​ല്ലാം സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​ണ്.

Tags : gold jewellery