തിരുവനന്തപുരം സ്മാർട്ട് സിറ്റി പദ്ധതിയുടെ ഭാഗമായി നിർമ്മിച്ച 12 സ്മാർട്ട് റോഡുകൾ ഉദ്ഘാടനം ചെയ്തു. ആധുനിക തെരുവ് വിളക്കുകൾ, ടൈൽ പാകിയ നടപ്പാതകൾ, മെച്ചപ്പെടുത്തിയ മഴവെള്ള ഡ്രെയിനേജുകൾ, ഭൂഗർഭ വൈദ്യുത കേബിളുകൾക്കുള്ള ഡക്‌ടുകൾ, ജല-മലിനജല ലൈനുകൾക്കുള്ള പ്രത്യേക ചേമ്പറുകൾ എന്നിവയാണ് ഈ റോഡുകളുടെ പ്രധാന സവിശേഷതകൾ. സൈക്കിൾ ട്രാക്കുകളും ഉൾപ്പെടുത്തിയിട്ടുണ്ട്. ഈ റോഡുകൾ നഗരത്തിലെ ഗതാഗതം സുഗമമാക്കാനും യാത്രക്കാരുടെ സുരക്ഷ വർദ്ധിപ്പിക്കാനും സഹായിക്കുമെന്നാണ് പ്രതീക്ഷിക്കുന്നത്. പദ്ധതിയുടെ ഭാഗമായുള്ള മറ്റ് ജോലികളും വേഗത്തിൽ പൂർത്തിയാക്കാൻ സ്മാർട്ട് സിറ്റി അധികൃതർ ശ്രമിക്കുകയാണ്.

Tags : smart city trivandrum kerela government