കൊല്ലം ബൈപ്പാസിൽ ഇന്ന് മുതൽ ടോൾ പിരിവ് ആരംഭിച്ചതോടെ വ്യാപകമായ പ്രതിഷേധവുമായി വാഹന ഉടമകളും വിവിധ രാഷ്ട്രീയ പാർട്ടികളും രംഗത്തെത്തി. ഇത് സാധാരണ യാത്രക്കാരെയും ചരക്ക് വാഹനങ്ങളെയും സാരമായി ബാധിക്കുമെന്നതാണ് പ്രതിഷേധക്കാർ ഉന്നയിക്കുന്ന പ്രധാന വാദം. ടോൾ പിരിവ് അശാസ്ത്രീയവും ജനദ്രോഹപരവുമാണെന്ന് ആരോപിച്ചുകൊണ്ട് വിവിധ സംഘടനകൾ ബൈപ്പാസിൽ ഉപരോധം സംഘടിപ്പിച്ചു. ടോൾ പിരിവ് പിൻവലിക്കുന്നത് വരെ പ്രക്ഷോഭം തുടരുമെന്ന് അവർ അറിയിച്ചു. ദേശീയപാത അതോറിറ്റി ഇതുവരെ വിഷയത്തിൽ പ്രതികരിച്ചിട്ടില്ല.

Tags : kollam bypass toll gates